Grunnbúðir Everest

Þetta er ferðalag sem lætur engan ósnortinn. Fjöllin, menningin og fólkið sem þarna býr snertir hvern streng í hjartanu svo enginn fer samur heim.

  

10. – 26. OKTÓBER 2019

GRUNNBÚÐIR EVEREST

10. – 26. október 2019

Ferð í grunnbúðir Everest er ógleymanleg upplifun. Þarna mætast hæstu fjöll heimsins, stórkostleg náttúra og vingjarnlegt viðmót heimamanna sem þýðir að hver dagur er ævintýri þar sem eitthvað nýtt ber fyrir sjónir.

FYRIRKOMULAG

Frá Kathmandu, höfuðborg Nepal, er flogið til Lukla þar sem gangan um Khumbudalinn í grunnbúðir Everest hefst. Leiðin lætur engan ósnortinn en á henni upplifum við framandi menningu, einstaka gestrisni Sherpanna og ólýsanlega náttúrufegurð Himalayafjallgarðsins. Við gistum í tehúsum, kynnumst nepalskri matargerð og upplifum áhrif búddisma sem eru mjög mikil á svæðinu.

Alla ferðina njótum við persónulegrar leiðsagnar heimamannsins Dendi og fjölskyldu hans.

Gangan er ekki tæknilega erfið og flestir göngudagar eru á bilinu 5-6 klst. Þó koma nokkrir lengri dagar og verða þátttakendur að vera undir það búnir. Að ganga í hæð getur reynst áskorun og við munum sjá til þess að allir hljóti viðeigandi fræðslu um hvernig best er að athafna sig við þessar aðstæður. Ferðareynsla og gott skipulag koma að góðum notum í ferð sem þessari.

Innifalið í verðinu er undirbúningsnámskeið fyrir fjallgönguna þar sem kennd eru tæknileg atriði, hvað ber að hafa í huga, þrjár æfingagöngur, fræðslukvöld og fyrirlestur um háfjallaveiki.

DAGSKRÁ

  1. Komið til Kathmandu (1300m).
  2. Kathmandu (1300m) skoðunarferð og undirbúningur.
  3. Flug til Lukla (2800m) og gengið til Phakding (2652m) 40 mín. flug, 3-4 klst. ganga.
  4. Phakding til Namche Bazaar (3440m) 5-6 klst.
  5. Namche Bazaar (3440m) hæðaraðlögunarganga.
  6. Namche Bazaar til Deboche (3870m) 5-6 klst.
  7. Deboche til Dingboche (4200m) 4-5 klst.
  8. Dingboche (4200m) hæðaraðlögunarganga.
  9. Dingboche til Lobuche (4930m) 5-6 klst.
  10. Lobuche til Gorak Shep (5170m), gengið í Everest Base Camp (5364m) 6-7 klst.
  11. Gengið á útsýnisstaðinn Kala Patthar (5545m) og aftur til baka í Dingboche (4200m) 7-8 klst.
  12. Dingboche til Phortse (3810m).
  13. Phortse til Namche Bazaar (3440m).
  14. Namche Bazaar til Lukla (2800m).
  15. Flogið til Kathmandu.
  16. Frjáls dagur í Kathmandu.
  17. Heimför

Staðfestingargjald: 55.000 kr.

Ferðin skal vera að fullu greidd 30 dögum fyrir brottför.

Möguleiki að skipta greiðslum á kreditkort.

Loading…

INNIFALIÐ

  • Íslensk fararstjórn.
  • Leiðsögumaður úr heimabyggð.
  • Ferðir á milli hótels og flugvalla.
  • Skoðunarferð og kvöldverður.
  • Gisting á fjögurra stjörnu hóteli í Kathmandu.
  • Morgunverður í Kathmandu.
  • Flug til og frá Lukla.
  • Gisting í tehúsum í Khumbudalnum.
  • Allar máltíðir í göngunni.
  • Trekking leyfi í þjóðgarðinn.

EKKI INNIFALIÐ

  • Flug til og frá Kathmandu.
  • Ferðatryggingar + evacuation trygging.
  • Vegabréfsáritun.
  • Aukanætur á hóteli ef ferð er lengd.
  • Uppihald í Kathmandu.
  • Þjórfé fyrir burðarmenn og leiðsögumenn af svæðinu.
  • Drykkir í göngunni.
  • Auka snarl í göngunni.

Mikilvægt er að þátttakendur kynni
sér ferðaskilmála vel og vandlega.

Start typing and press Enter to search

X