Skarðsheiði - heiðarhorn (1.063m)

Komdu með okkur í skemmtilega kvöldgöngu á þetta fallega útsýnisfjall sem blasir við manni á ferðum um Borgarfjörðinn.

1. JÚLÍ 2020

SKARÐSHEIÐI - HEIÐARHORN (1.063M)

1. júlí 2020

Komdu með okkur í þessa frábæru kvöldgöngu!

Skarðsheiðin er fjallgarðurinn sem blasir við okkur á ferðum um Borgarfjörðinn, Hvalfjörðinn og fleiri nálæga staði. Tignarlegir tindar, langir dalir og fallegir hryggir, heiðin býður upp á mikinn fjölbreytileika. Í þessari göngu ætlum við að ganga upp á hæsta tind svæðisins, Heiðarhorn. Þaðan er gríðarlega mikið og fallegt útsýni til allra átta og á fallegum sumardegi eru fáir staðir sem betra er að vera á.

Gangan er töluvert brött á fótinn en farið er hægt yfir. Hún hentar öllum þeim sem treysta sér í langt kvöldverkefni með um 1.000m hækkun.

Vegalengd: 14 km. 

Hækkun: 1000 m. 

Lengd: 6 klst. 

Verð: 6.900 kr.

Innifalið: Leiðsögn.

DAGSKRÁ

Við hittumst kl. 16:30 á upphafsstað göngu, við bæinn Efra-Skarð inn í Svínadal. Þar hefst gangan og gerum við ráð fyrir því að koma aftur niður á bílastæði um kl. 23.

Gangan er ein löng brekka alla leið upp á topp og því göngum við á jöfnum hraða mest alla leiðina, förum okkur ekki um of þar sem um langan dag er að ræða. Við tökum nesti undir eða á toppnum sjálfum, fer eftir veðri og vindum og eftir að hafa myndað nærsveitirnar  rækilega snúum við baki í toppinn og höldum niður á leið.

Framundan er skemmtilegt kvöld!

Loading...

INNIFALIÐ

  • Leiðsögn

EKKI INNIFALIÐ

  • Almennur útbúnaður til ferðarinnar
  • Nesti
  • Ferðir til og frá upphafsstað göngu 

Mikilvægt er að þátttakendur kynni
sér ferðaskilmála vel og vandlega.

Start typing and press Enter to search

X